Chegou o momento de reflexionar sobre o noso proxecto final...
O curso está a piques de rematar, e por parte do grupo CLAK, queremos deixar por aquí a nosa última reflexión sobre todo o traballo que levamos a cabo. Polo tanto, cómpre destacar que a asignatura de Novas Tecnoloxías aplicadas á Educación Primaria foi unha das mellores do nosos primeiro ano de carreira! Aprendimos moito coa axuda de todos/as mestres/as que estiveron con nós, tanto nas clases prácticas como teóricas. Podemos dicir que a día de hoxe dominamos moi ben o terreo da tecnoloxía e sabemos como elaborar un montón de recursos para o noso futuro alumnado!
A continuación cada integrante deste grupo expón unha reflexión individual:
"Para min, a asignatura de NNTT foi excepcional, grazas a ela coñezo mellor as diversas utilidades que nos da a rede. A elaboración de cada unha das tarefas foi moi interesante e doada grazas ao bo grupo que formamos. Nós eliximos centrarnos na temática mariña, para poder tratar así, dunha maneira transversal, todo tipo de problemáticas que xiran en torno ao mar. No proxecto final aparece reflexado todas as tarefas e recursos dun xeito conxunto, en forma de revista dixital, e en xeral, estou moi satisfeita co traballo realizado!" (Laura Carelli Cortizo)
"Sen dúbida esta asignatura para min foi dunha das que máis aprendín neste ano de carreira. Considero que foi moi ben plantexada e que tanto a teoría, pero sobre todo as prácticas proporcionáronnos información de moita utilidade á hora de nun futuro elaborar os nosos recursos para aplicar nas nosas aulas e tamén mesmo para empregalas nos anos que nos quedan de carreira.
A temática que escollimos foi o mundo mariño e os resultados considero que foron positivos.
Estou moi satisfeita co traballo realizado, cos meus compañeiros Laura, Kevin e Alba, que son persoas coas que me resultou moi sinxelo realizar todas as actividades e tamén cos docentes da materia que sempre nos botaron unha man cando o precisabamos e aínda máis cando comezou esta situación complicada na que aínda nos atopamos.
Aprendín moito e estou moi contenta en todos os aspectos!" (Camila Barros Kustrín)
"A miña experiencia en canto a esta materia foi máis que satisfactoria xa que aprendín moitas cousas novas da tecnoloxía que antes descoñecía. As actividades que se nos ofreceron foron moi didácticas e creativas, como a creación do video ou a elaboración de actividades lúdicas a través de EdiLim. En canto ao grupo que formamos CLAK, podo dicir que nos integramos moi ben e cada un/ha de nós aportou o seu grao de area para levar a cabo este traballo dunha maneira divertida e entretida. Escollimos o mundo mariño como temática do noso proxecto xa que é un tema moi relevante no mundo no que vivimos, e cremos que é moi importante que nós, como futuros e futuras docentes, traslademos aos nenos e nenas a mellor forma de coidalo, xa que o día de mañá será deles/as dos que dependa a continuidade do mar e dos múltiples seres vivos que conviven nel." (Kevin Abalde Rodríguez)
"Para min esta asignatura foi moi interesante, coa que aprendín moitas cousas que me serán de gran utilidade cando imparta como docente. A teoría estivo moi ben complementada coas prácticas semanais, e grazas a estas a asimilición dos contidos foi moito máis doado. O tema escollido polo meu grupo foi o mundo mariño e creo que os resultados do traballo realizado foron moi bos. Os esforzos realizados por Kevin, Camila, Laura e eu para poder realizar as actividades da manera máis correcta posible foron moi grandes, e máis na situación que estamos a vivir neste segundo cuatrimestre. A pesar das dificultades que se cruzaron polo camiño soubemos solucionalas sen ningún problema, por iso estou moi contenta co meu grupo de compañeiros/as. En conclusión, grazas a esta asignatura aprendín gran cantidade de cousas novas que poñerei en práctica a partir de agora." (Alba Barreiro García)
