O noso póster dixital de recursos

REFLEXIÓN:

A busca de recursos pareceunos unha actividade entretida e sinxela de realizar a través da cal poidemos descubrir diversos xogos interactivos e vídeos moi interesantes para integrar na aula. A través dos mesmos, podemos animar ao alumnado ao uso das TIC á vez que aprenden diversos contidos das diferentes materias. Concretamente, o noso grupo centrouse na temática mariña e destacamos a abundante cantidade de recursos atopados, ademais da concienzación que exercen algunhas das actividades elixidas (por exemplo: concienciación sobre a importancia de manter limpas as praias).
Ademais, a posterior creación do póster dixital resultou ser moi divertida, poidemos expresar a nosa creatividade e pensamos que é unha maneira moi atractiva de recoller a información.

Verde Azulado Negrita Foto de Playa Póster de clak

Os recursos dixitais

TEMPO DE REFLEXIÓN! 

"Elexín estes recursos para o blog xa que me pareceron atractivos e inovadores. Nun, preséntansenos os diferentes tipos de peixe que podemos atopar no mar e, no outro, anímasenos a coidar o mar e as diferentes especies que viven nel xa que é moi importante para a nosa vida". (Kevin Abalde)

"En canto aos recursos que recollín para o blog, parecéronme uns materiais moi interesantes e didácticos que poden axudar á aprendizaxe dos nenos e nenas de educación primaria, así como un apoio para poder comprender a través de xogos e materiais audiovisuais cuestións importantes do mundo mariño". (Alba Barreiro)

"Os recursos que escollín para o blog, considero que son atractivos xa que por unha banda, a canción é un recurso entretido no que os nenos e nenas aprenden visualmente e dunha maneira divertida. Por outra banda, o conto tamén xera interese no alumnado e relata unha historia que transmite ao alumnado a importancia de ter una boa alimentación así como de coidar o medioambiente". (Camila Barros)

"Referíndome aos recursos empregados para o blog (un vídeo interactivo de vocabulario mariño e unha actividade sobre os elementos da paisaxe costeira), cómpre destacar que os dous me parecen óptimos. Aínda así, é de máxima importancia ter en conta algúns detalles a mellorar, como por exemplo evitar empregar o masculino xenérico, será imprescindible que os recursos dos que fagamos uso na aula estén exentos de calquera aspecto que cuestione a igualdade de xéneros. Por outra banda, un punto moi positivo que vin no recurso "Paisaxe de costa" é que trata de concienciar ao alumnado da importacia de manter as praias limpas e coidar así o noso planeta". (Laura Carelli)



Links dos recursos utilizados:
-https://www.edu.xunta.gal/espazoAbalar/es/espazo/repositorio/cont/os-arroases-distribucion-e-venda-de-peixe
-https://www.youtube.com/watch?v=6UFu3fCvAxY
- https://www.youtube.com/watch?v=bGkQ24UOk2Y&feature=emb_logo
-https://www.edu.xunta.gal/espazoAbalar/es/espazo/repositorio/cont/o-parque-nacional-maritimo-terrestre-das-illas-atlanticas
- https://www.youtube.com/watch?v=R93ce4FZGbc
- https://www.edu.xunta.es/espazoAbalar/es/espazo/repositorio/cont/naufraxio-enconserva-conto
- https://www.edu.xunta.es/espazoAbalar/es/espazo/repositorio/cont/paisaxe-de-costa
- https://www.youtube.com/watch?v=Fe-AmoBtp_A

Cal será o tipo de proxecto?

O noso grupo escolleu o proxecto da revista dixital porque considera que é unha plataforma moi accesible para todo o alumnado  para usala  tanto dentro como fóra do centro escolar.

A nosa elección está motivada pola visualización de diversos blogs desta área educativa, así como os dos nosos antigos centros, que nos axudaron a obter información sobre ámbitos de interese e actividades que se estaban a realizar, como por exemplo conmemoracións.

Expectativas da materia

Benvid@s ao noso blog! A través desta plataforma iremos presentando os contidos que traballaremos relativos á materia de Novas Tecnoloxías aplicadas á Educación Primaria. Este blog estará formado por catro estudantes de primeiro curso do grao, e a continuación mostraremos as nosas expectativas previas sobre a asignatura de forma individual.

     
"Na miña iniciación a esta materia atópome contento e con ganas de aprender os contidos dun ámbito que non coñezo demasiado. Desperta en min moito interés xa que me parece fundamental para a vida educativa de hoxe en día". (Kevin Abalde Rodríguez)

"Nesta primeira toma de contacto coa materia, pareceume unha cuestión moi innovadora e necesaria para poder traballar cos rapaces de Educación Primaria, que lles sirvan de soporte nas súas aprendizaxes. Hoxe xa puiden avanzar un pouco máis neste ámbito no que non tiven nunca unha boa especialización". (Alba Barreiro García)

"Nesta sesión inicial, a sensación que me dá a asigatura é de ser moi interesante para o día a día na aula, xa que aprenderemos a usar ferramentas que potencien actividades máis didácticas na clase coas que os nenos e nenas aprendan de forma máis divertida". (Camila Barros Kustrín)

"A materia de novas tecnoloxías paréceme unha maneira interesante de achegarme máis ao ámbito tecnolóxico e poder enfocalo así dunha maneira creativa á educación. As miñas primeiras impresións resultaron moi boas e considero que será unha ferramenta útil que me axudará nun futuro, polo que me presento con ilusión por acadar novos coñecementos". (Laura Carelli Cortizo)